Societeit-Societeit

SinPo.id - Dalem bebrapa taon jang paling blakang Batavia kabandjiran dengen hotel-hotel dan societeit-societeit jang üeradjatnja rendah maskipoen antara jang diseboet blakangan tiada koerang jang pake nama-nama jang sampe mentereng, sebagi : Eendracht maakt macht “De vriendschap” dan Zedelykheicl" (sic !).

Dalem ini societeit-societeit banjak sekali orang berdjoedi dan sataoe lantaran di-idzinken atawa lantaran politie belaga merem roepa-roepanja orang bisa senangken hatinja disana zonder dapet ganggoean apa-apa.Dalem Volksraad orang telah bitjaraken ini hal dan minta pamerentah adaken penilikan jang lebih keras.

Katjiwa sekali itoe sociëteit ada didir'ken oleh orang-orang Tionghoa zonder Pikir dengen begitoe iaorang bikin deradjatnja bangsa Tionghoa mendjadi toeroen.Perdjoedian memang ada satoe kahiasahan jang djelek dan kaloe satoe kali orang soeda mendjadi biasa ampir orang tiada bisa terlepas lagi dari tjengkeremannja.

Djahatnja perdjoedian troesah dibitjaraken dengen pandjang lebar brapa banjak orang-orang hartawan jang dengen mendadak mendjadi moesna hartanja lantaran djoedi soesa di-itoeng begitocpoen djoemblanja orang-orang jang loepaken kapentingannja roemah tangga lantaran perdjoedian sedeng orang jang boenoe diri lantaran kalah berdjoedi poen boekannja tjoema satoe doea.Sabaliknja orang jang mendjadi beroentoeng lantaran berdjoedi tiada ada, Tapi begimana orang moesti basmi perdjoedian ? Kita rasa paling baek kaloe orang- orang jang mendjadi pemimpin soeka kasi toeladan jang baek dalem ini perkara.

President Harding dari Amerika Sariket tiada aken minoem lagi barang satetes minoeman keras boeat kasi toeladan pacla rahajatnja. Begitoepoen pemimpin-pemimpin bangsa Tionghoa haroes kasi t o e 1 a - cl a n dan boeang itoe kabiasahan berdjoedi. Omongan sadja tiada goenanja apa jang paling perloe ada toeladan dan lagi sakali toeladan. Dalem soerat-kabar soeda sering di bitjaraken banjaknja pemaentopan, tapi atjapkali si toean penoelis pergi “iseng-iseng" sasoedanja abis menoelis.

Bangsa Tionghoa boekannja kakoerangan nasehat, tetapi teroetama kakoerangan toeladan!