Dongengan sang kawa-kawa

SinPo.id -  Di djeman doeloe kala di Griekenland ada hidoep satoe gadis jang pande sekali menenoen dan mencljait. Ini gadis bernama Arachne dan ia poenja roman ada tjantik sekali ; ia tentoe aken ditjinta oleh sasoeatoe orang djikaloe ia tiada angkoeh sekali lantaran............. ia poenja kapandean menenoen.

Arachne kira dalem doenia tiada ada laen orang jang begitoe pande seperti ia poenja diri.

Ini gadis ada begitoe angkoeh hingga ia tjeritaken pada sasoeatoe orang, jang ia brani berlomba menenoen dengen dewi Minerva sendiri.

Saban-saban Arachne banggaken ia poenja kapandean dan lantaran hatinja merasa panas atas kaagoengannja satoe anak manoesia, dewi Minerva lantas toeroen dari goenoeng Olympus dan menjaroe sebagi orang biasa.

Minerva adjak Arachne bitjara dan sebagimana biasanja ia lantas banggaken ia poenja kapandean dan bilanh, maskipoen pada Minerva sendiri ia tiada takoet bertanding dalem perkara nenoen-menenoen.

Dengen manis boedi Minerva kasi ingetan padanja boeat djangan begitoe bangga, tetapi Arachne toeliken koepingnja dan ia lantas kata ia ingin jang Minerva ada di hadepannja soepaja ini dewi bisa adoe ia poenja kapandean dengan ia Arachne — poenja kapandean.

Minerva mendjadi moerka dan lantas adjak Arachne berlomba menenoen.

Tapi tentoe sadja Arachne kalah dan lantaran ini ia merasa sedi sekali dan menjesal jang ia soecla brani berlakoe begitoe tjongkak.

Lantaran sedi dan djengkel ia lantas ambil satoe tali dan gantoeng dirinja di satoe poehoen.

Minerva jang meliat Arachne mengglantoeng di poehoen djadiken ia satoe kawa-kawa，jalah binatang jang saoemoer hidoepnja moesti nienenoen sebagi hoekoeman....

Sampe di ini saat dalem bahasa Fransch kawa-kawa diseboet „araignee", jalah satoe perkatahan jang berasal dari namanja Arachne, kawa-kawa jang pertama.............