Doenia

Mosul crisis. Soeal Mosul dari internatianale Hof van Justitie di Den Haag soeda dikombaliken lagi pada Volkenbondsraad dengen alesan bahoea itoe raad ada hak boeat kasi poetoesan sendiri.

Kabar baroe ini ada membilang bahoea Volkenbondsraad soeda mengambil poetoesan, dan katanja dengen samoea soeara, menoeroet kabiasahan dari itoe raad. Dengen itoe poetoesan, wates daerah antara Mosul dan Iraq aken ditetepken menoeroet garisan Brussel.

Lebih djaoe Brittannie dimoestiken teroes pegang mandaat atas Iraq 25 tahon lagi, samentara itoe Brittannie moesti pirapin Iraq boeat berdiri sendiri agar sabelonnja abis itoe tempo mandaat Iraq soeda merdika dan masoek djadi anggota dari Volkenbond.

Ini poetoesan soeda tentoe aken ditrima baek oleh Bittannie jang soeda oelangken perdjandjiannja aken menoeroet pada Volkenbondsraad poenja poetoesan arbitrage, dan soeda moefakat boeat pegang teroes mandaat atas Iraq Tapi Turkije poenja delegatie soeda sengadja tida maoe trima oendangannja Voorzitter dari Volkenbondsraad boeat toeroet hadlir waktoe diambil poetoesan terseboet.

Tewfik Bey jang kapalain itoe delegatie sabaliknja soeda menoelis soerat pada itoe raad tegesken poela Turkije poenja pemandangan dan njataken Turkije maoe pegang tetep ia poenja hak jang dipertoean atas Mosul. Djadi tegesnja Turkije tida maoe trima baek Volken bondsraad poenja poetoesan jang membikin Mosul djadi masoek dalem bilangan Iraq menoeroet tapel wates Brussel. Apabila benar Awan mendoeng Turkije tetep tida maoe trima baek itoe poetoesan, satoe crisis jang boekan ketjil bakal tida bisa ditjegah lagi.

Volkenbond poenja prestige ada terantjem, tapi inilah boekan Turkije poenja kapentingan, kerna ia ada berdiri di loear itoe Bond. Soeda sering diwartaken bahoea pamerentah Angora tjoema maoe menoeroet sama poetoesan Volkenbondsraad kaloe itoe poetoesan ada baek bagi Turkije poenja kapentingan, tapi poetoesan jang sekarang kaliatan teroetama ada menoeroetin kamoeannja Brittannie.

Roepanja Turkije soeda lebih siang doega bahoea Volkenbond bakal tida bisa sampeken ia poenja harepan. Dari itoe orang Turkije soeda ambil tindakan sendiri dalem hal mengoesir-ngoesirin pendoedoek Kristen dari Mosul. Ini tindakan tentoe sadja bikin koerang Volkenbond poenja sympathie pada Turkye, tapi ini sympathie memangnja Turkye soeda tida harep. Roepanja Turkye dengen itoe tindakan maoe kasi liat ia poenja sikep tida