Gadis jang ilang.
Toean Bong Sie Yoen pastilah boekan ada saorang jang termasoek dalem golongan modern. Iapoenja perkatahan dan kainginan dalem, segala hal moesti djadi saroepa wet bagi anak-anaknja. Boen Hoat, iapoenja anak . leiaki jang pertama poen ia telah nikahken sama satoe gadis jang ia penoedjoe dan pengidoepannja itoe soeami-istri toch kaliatannja beroentoeng.
Dan sekarang toean. Bong maoe poengoet satoe babahmantoe boeat iapoenja anak jang kadoea jaitoe Kim Nio jang ia hendak rangkepken djodonja pada poetranja sala-satoe kenalannja. Toean Bong doega ini kali poen itoe oeroesan pernikahan aken berdjalan beres seperti doeloe, tapi di loear doegahan tatk.ala pesta pernikahan tinggal satengah boelan lagi, mendadak Kim Nio, bakal penganten prampoean, mengilang setaoe kemana.
Toean Bong saking marahnja ampir „mati berdiri”,tapi Boen Hoat mengarti dari tabeatnja iapoenja ade prampoean jang keras tida soeka dipaksa menikah sama saorang leiaki jang ia belon kenal dan djoega tida tjin taken. Sanget bisa. djadi djoega diam-diam Kim Nio telah mempoenjai satoe katjintahan, kerna dengen anak-anak leiaki dan gadis sekarang, hal demikian boekan lagi satoe perkara langka.
Diam-diam Boen Hoat poen benerken djoega sikepnja Kim Nio jang haroes diakoeh a,da lebih gagah dari pada ia jang ada satoe leiaki kerna takoet dikatain poethauw tinggal manda sadja trima prenta orang toea dalem satoe soeal jang begitoe penting seperti satoe pernikahan. Tjoema beroentoeng djoegalah istrinja Boen Hoat ada satoe prampoean jamg baek hingga ia tida perloe terlaloe seselken pada pilihannja iapoenja ajah jang bertabeat sebagi dictator, melaenken parasnja sadja tida bisa dibilang cilok, hanja loemajan sadja.
Dan Boen Hoat hiboerken hatinja sendiri bahoea kabedjikan dan pri boedi jang baek ada lebih tinggi dari kaeilokan dan saorang prampoean troesa merasa maloe kaloe ia tida mempoenjai paras tjantik, sebaliknja haroes maloe kaloe tida mempoenjai pri boedi jang baek.
Tapi baglmanatah dengen iapoenja soedara Kim Nio? Boen Hoat tjoema bisa menarik napas. Samentara itoe toean Bong Sie Yoen jang boekan maen marahnja telah adoeken pada politie di tempat tinggalnja di Soekaboemi, berhoeboeng- dengen ilangnja iapoenja anak.
3 jam yang lalu
PERISTIWA | 2 hari yang lalu
GALERI | 1 hari yang lalu
POLITIK | 1 hari yang lalu
POLITIK | 1 hari yang lalu
POLITIK | 12 jam yang lalu
POLITIK | 2 hari yang lalu
EKBIS | 2 hari yang lalu
POLITIK | 23 jam yang lalu
PERISTIWA | 2 hari yang lalu
PERISTIWA | 1 hari yang lalu