Ilmoe batik di loear Java

BANJAK orang kira bahoea il[1]moe bikin kaen batik tjoema terkenal di poelo Java sadja, tapi ini koerang bener. J. W. v. Nouhuys („Was-Batik in Midden-Celebes”) wartaken bagimana djoega pendoedoek Celebes kenal ini ilmoe.

Djoega di loear Indonesia ilmoe membatik boekan ada satoe kunst jang tida terkenal, sebab menoe[1]roet satoe penoelis Japan, jalah Ryüzo Torü dalem tijdschrift.  ”Kokka” (No. 186—188) ini ilmoe poen terkenal di Tiongkok-Selatan dan djoega Dr. Kuragama perna toelis tentang ini ilmoe di Tiong[1]kok di itoe tijdschrift djoega (da[1]lem taon 1905).

Di djeman Soei Tiauw (581—617) dan Tong Tiauw (618—906) ini ilmoe soeda terkenal dan dari Tiongkok ini ilmoe dibawa nje[1]brang ka Japan dimana orang bi[1]kin batik di djeman Nara (710一794).

Tapi ini ilmoe sekarang tida di[1]goenaken lagi oleh orang Tionghoa di Tiongkok; tjoema antara bangsa Miaotze (jalah satoe bangsa oe[1]dikan jang aneh di Tiongkok) orang masi perhatiken ilmoe bikin batik.

Bangsa Miaotze djoega peladjar[1]ken ini ilmoe dari orang Tionghoa dan antara ini bangsa pagoenoeng[1]an ada jang meloeloe bikin kaen batik biroe dan djoega ada jang bikin batik idjo atawa batik dari warna tjampoer-tjampoer.

J. A. Loebèr jun. dalem iapoenja boekoe „Das Batiken” jang terke[1]nal ada moeat bebrapa gambar dari „batik Tionghoa” dan Mün[1]sterberg ada moeat gambar „ba[1]tik Japan” dalem ia poenja „Chi[1]nesische Kunstgeschichte’’.

Di Europa cijoega ada bebrapa negri dimana orang kenal ilmoe batik dan di Karpathen malahan orang biasa batik..........koelit telor di waktoe hari rajah Paschen dan itoe djago mode Poiret di Parijs jang terkenal perna tjoba djadiken batik sebagi pakean ”mode moesim dingin”

Djoega di Egypte roepa-roepanja ilmoe batik telah dikenal, begitoe[1]poen di Turkestan, Tongkin, Hin[1]dia-depaR, hingga ilmoe batik boe[1]kan ada kunst Djawa jang speciaal, maskipoen sekarang boleh djadi batik Djawa ada jang paling ter[1]kenal.

Dari mana asal-oesoelnja ilmoe batik di Java? Apa ini ada ilmoe anak negri sendiri dari djeman poerbakala atawa apa ia dibawa dari negri asing ka mari ratoesan atawa riboean taon berselang?

Oepama dari Tiongkok dengen siapa Indonesia soeda bikin per[1]hoeboengan lama sekali? Ini semoea soesa sekali didjawab dengen pasti, tapi ada menarik hati boeat diselidikin, apa lagi ka[1]loe di-inget bagimana motief Tionghoa ada terpake dalem batik

Djawa seperti oepama bandji (卍)， maskipoen ini motief djoega boe[1]kan motief Tionghoa toelen, api motief Hindoe (swastika)