Djoemblah pendoedoek Japan.

MENOEROET The Japan Year Book 1936, karadjahan Japan mempoenjai 99,456,512 pendoedoek pada 1 October 1935. Tapi dari ini djoemblah ampir 100 millioen, tjoema kira-kira 64.000.000 ada bangsa Japan aseli; jang laen ada bangsa taloekan antara mana ada 20 millioen bangsa Korea jang sanget bentji Djepang hingga Japan takoet goenaken bangsa Korea sebagi soldadoe, mask! laen-laen negri jang poenja djadjahan di Timoer selaloe goenaken soldadoe anak negri......

Japan sering banggaken diri jang ia pande mamerentah di djadjahannja dan marika poen kaianja sanget ditjinta oleh rahajat, begitoe poenja ditjinta hingga orang Korea ditjoerigaken keras dan dilarang djadi soldadoe! Begitoe poenja disajang hingga Ito diboenoe oleh saorang Korea, keizer Japan sendiri ampir binasa ditembak oleh satoe pamoeda Korea bernama Daisuke Wamba dan generaal Shirakawa mati dibom ci

Shanghai oleh satoe Nationalist Korea Bangsa Japan banjak jang tinggal di continent dari Azie jalah di Mantjoeri, Korea, Tiongkok enz.

Di Tiongkok sadja ada tinggal bebrapa poeloe riboe orang Japan dan jang lari dari Tiongkok sekarang soeda ada 50.060. Di Mja-ntjoeri djoemblah orang Japan ada djaoe lebih besar, jalah 251.000 dan marika idoep antara kira-kira 30 millioen orang Tionghoa jang sembarang waktoe bisa brontak.

Antara kota-kota Japan, Tokio ada jang paling besar. Kota industrie Japan jang pa[1]ling penting ada Osaka, jalah Japan poenja Shanghai dan djoemblah pendoedoeknja poen ampir sama besamja dengen Shanghai,jalah 3 millioen.

Osaka poen ada kota jang paling rapet pendoedoeknja hingga dalem satoe kilometer pasegi ada tinggal 15.960 orang (angka taon1935). Satoe record kapadetan boeat Japan, hingga orang gam[1]pang mengarti serangan oedara pada Osaka jang begitoe penoe dan padet ada jang Japan sanget takoetin.

Djoemblah fabriek-fabriek di Osaka besar dan ketjil ada 10.584 atawa 14.7% dari antero djoemblah tctaal fabriek di saloeroe Japan! Dan Osaka djoestroe letaknja deket Tiongkok, hingga pesawat terbang Tionghoa bisa terbang ka Osaka dan balik lagi zonder koedoe mendarat.

Serangan pada Shanghai, Tiongkok poenja „Osaka”, tentoe sadja timboelin pikirannja boeat bales serang Osaka dari atas seba[1]gi Japan poenja „Shanghai”!