Bangsa toeroenan melaekat
SinPo.id - “Di laen taonnja, dalem satoe persidangan dimana Gezant Japan di Washington ada djadi tetamoe jang teroetama, ia telah ditanja Prihal itoe traetaat Japan―Korea jang kasi guarantie kamerdikahannja Korea dan kaslametannja Radja Korea. Itoe Gezant djawab memang betoel itoe tractaat ada begitoe, dan djoega betoel waktoe bikin itoe tractaat Japan ada kandoeng niatan demikian, tjoema saaja satelah itoe tractaat ditjoba lima atawa anem taon lamanja, ternjata tida bisa berdjalan. baek seperti Japan tadinja harep, dari itoe Japan rasa tida ada laen djalan hanja anexeer sadja itoe negri. Itoe Gezant Japan sama sekali tida kaliatan merasa maloe atawa kikoek boeat kasi itoe matjem katerangan.”
Itoe doea tjonto ada mengasi katerangan kenapa Japan soeda brani serang Tiongkok dan rampas Manchurye dan Jehol zonder perdoeliken. opinie doenia. Japan soeda teeken tractaat Sembilan Negri dalem mana Japan bersama toedjoe negri jang laen ada kasi tanggoengan tentang kamerdikahannja Tiongkok poenja administratie dan kaslametannja daerah Tionghoa; Japan soeda teeken verdrag Volkenbond dengen apa Japan. berdjandji boeat djaga kasoetjiannja Covenant jang melarang sasoeatoe anggota Volkenbond lantas ambil actie militair boeat beresken perselisihannja sama anggota laen; djoega Japan soeda toeroet teeken Briand-Kellogg Pact dengen apa Japan berdjandji tida aken goenaken kakoeatan sendjata boeat beresken perselisihan sama negri-negri jang teeken itoe pact.
Tapi zonder ada perselisihan jang serious Japan lantas serang Tiongkok, rampas Tiongkok poenja daerah-daerah dan diriken Mancliukuo zonder pardoeliken itoe semoea verdrag, tractaat dan pact. Japan boekan merasa maicis bahoea ia soeda bikin pelanggaran-peilainggaran, tapi merasa sakit hati bahoea negri-negri Barat soeda tida maoe akoeh sah pamerentah Manchukuo. Volkenbond poenja tjampoer tangan bikin. Japan merasa, tida senang. Terhadep Volkenbond poenja rapport jang tjela Japan poenja actie dan voorstel boeat kasi autonomie pada Manchurye tapi tetap djadi satog bagian, dari Tiongkok, Japan djawab ia tida bisa trima baek autonomie dari Manchurye. Japan bilang: „Kita hargaken Volkenbond poenja rapport jang: pandjang lebar, tapi kita poenja haloean soeda ditetapken. sabelonnja itoe rapport dibikin.” Achirnja Japan bilang ia sendiri jang paling berhak boeat artiken iapoenja actie-actie berhoeboeng sama segala tractaat jang ia soeda teeken. Kerna meliat Volkenbond tida ''maoe toeroetin kainginannja, Japan anggep Volkenbond tida bisa co-operatie sama Japan., dari itoe ia merasa tida perloe djadi anggota dari itoe Bond dan lantas oendoerken diri.
GALERI | 2 hari yang lalu
HUKUM | 2 hari yang lalu
HUKUM | 2 hari yang lalu
POLITIK | 2 hari yang lalu
POLITIK | 2 hari yang lalu
HUKUM | 1 hari yang lalu
PERISTIWA | 2 hari yang lalu
POLITIK | 1 hari yang lalu
GALERI | 1 hari yang lalu
POLITIK | 22 jam yang lalu