Koran Sin Po, 27 Oktober 1928

Boleh menikah dengen orang satue she.

Laporan: Sinpo
Jumat, 27 Oktober 2023 | 07:56 WIB
Koran Sin Po, 27 Oktober 1928, (SinPo.id/Monash University)
Koran Sin Po, 27 Oktober 1928, (SinPo.id/Monash University)

SinPo.id -  ANTARA bangsa Tionghoa masisadja orang pandang sebagi samatjem dosa atawa perboeatan haram, kaloe doea orang dari satoe she menikah satoe pada laen.  Betoel di waktoe blakangan soeda banjak jang tida perdoeliken lagi itoe atoeran kolot, tapi masi ada jang anggep itoe ada samatjem adat „soetji” jang tida boleh diboewang.

Orang-orang Tionghoa jang masi kliwat koekoeh dengen itoe atoeran kolot baek pèrhatiken betoel-betoel apa jang dagblad ”Sin Po” tanggal 17 October telah wartaken Dalem Civil Code dari pamerentah Nationalist di Tiongkok jang soeda ampir selese dikarang, dibagian familierecht telah diadaken perobahan penting tentang atoeran berkaboeng dan pernikahan, kerna ini wet baroe telah singkirken kabiasahan koeno jang tida pantes.

Dalem oeroesan pernikahan, dalem wet baroe ditetapken bahoea orang lelaki dan prampoean jang sama she, kaloe boekan teritoeng familie, di-idjinken boeat menikah, tapi pernikahan antara soedara piauw tida diperkenanken.

Djadinja jang moesti diboeat oekoeran boekan lagi satoe she atawa tida, tapi bersanak terlaloe deket atawa tida.

Menoeroet pengatahoean, toeroenan dari orang'-orang jang menikah satoe pada laen maskipoen iaorang ada familie deket sekali, sering koerang sampoerna. Hingga kaloe orang maoe tjegah pernikahan antara familie terlaloe deket memang ada dasarnja; tapi sama she boekan ada oekoeran sama-sekali bahoea doea orang beriamilie terlaloe deket.

Doea orang jang shenja laen (oepama soedara piauw) bersanak djaoe lebih deket satoe pada laen, dari oepama saorang she Thio dari Peking ian laen orang she Thio di Pekalongan jang soeda ratoesan taon. mengerem di poelo Djawa.

Tapi jang paling aneh, wet doeloe tida larang pernikahan antara doea soedara piauw, tapi larang doea orang menikah asal sadja „shenja' sama, satoe hal jang sering kabetoelan sekali dan sama-sekali boekan boekti iaorang bersanak deket.

Djoega dalem Burgerlek Wetboek Tiongkok jang ditetapken kira-kira dalem taon 1913 itoe larangan masi ada, jalah dalem Hoofdstuk III, Afd. I, Fatsal 1333 (Liat oepama salinan[1]nja dalem „Het recht in Ned. Ind.” 102, 3—4).

Tapi pelahan-pelahan ini atoeran kolot didorong kaloear dari boekoe wet dan begitoelah dalem taon ka 7 dari Republiek Tiongkok (1918) Hof Tinggi (Supreme Court) di kota Peking soeda kaloearin satoe poetoesan bahoea orang satoe she tida perloe dilarang menikah satoe pada laen (poetoesan No. 304 dari Hof terseboet).

Djadinja s a poeloe taon berselang Pengadilan Tionghoa jang pa ling tinggi soeda poetoesken itoe atoeran tida berlakoe lagi dan sekarang pamerentah Nationalist di Tiongkok toeroet itoe toeladan dan njataken wet kasi idjin doea orang menikah biarpoen satoe she asal sa[1]dja boekan familie jang terlaloe deket, jalah sebagi oepama soedara piauw betoel.

Wet negri kadang-kadang ikoetin kabiasahan anak negri, tapi peen kadang-kadang wet perloe 1 o m b a i n kabiasahan, kaloe ini kabiasahan ter[1]njata boekan moestinja.

Orang-orang Tionghoa jang masi anggep sebagi dosa besar, kaloe doea orang menikah kaloe satoe she, baek reviseer dan robah marika poenja anggepan kolot salekasnja, soepaja tida katinggalan dengen djalannja djeman dan soepaja tida oesa berlaga maoe lebih tertip dari wet negri.sinpo

Komentar:
BERITALAINNYA
Koran Sin Po, 19 Februrai 1927 (Monash University/SinPo.id)
Psychology dari Inggris.
Senin, 19 Februari 2024
Koran Sin Po, 6 Februari 1932 (monash University/SinPo.id
Poehoen-poelweai asing di Amerika.
Selasa, 06 Februari 2024
Koran Sin Po 17 Januari 1931 (SinPo.id/monash University)
Kasi angka-angka bitjara.
Rabu, 17 Januari 2024
Koran Sin Po 7 Januari 1928 (Monash University/SinPo.id)
Perkatahan-perkatahan Baroe.
Minggu, 07 Januari 2024
Koran Sin Po, 25 Desember 1926 (Monash University/SinPo.id)
KOTOR
Senin, 25 Desember 2023