PEPATA-PEPATA

SinPo.id - Sasoeatoe bangsa ada poenja pepatapepata sendiri dan orang sering bilang pepata-pepata ada publiek poenja „philosophie”. Sifat jang oemoem dari pepata-pepata ada ia poenja ringkes, sebab satoe pepata moesti mempoenjai ”beaucoup de pensees en peu de mots” atawa „banjak pikiran dalem sedikit perkatahan” Lord John Russell bilang pepata-pepata ada ”The wisdom of many, the wit of one” jalah banjak orang jang goenaken tapi jang kaloearken tjoemasatoe doea orang. Kaloe kita bandingken pepata-pepata dari berbagi -bagi bangsa, kita dapetken banjak jang maskipoen laen boenjinja, maksoednja sama. Begitoelah pembatja tentoe kenal itoe pepata Melajoe: „Katjang tida boewang landjaran’’. Orang Olanda djoega ada mempoenjai pepata jang maksoednja begitoe, tapi jang bocnjanja laen jalah „De appel valt niet ver van den boom” („Boea appel tida djato djaoe dari poehoennja”) Djoega orang Duitsch dan orang Inggis poenja pepata boenjinja begitoe („Der Apfel fallt nicht weit von Stamm’’ dan „The apple falls near the tree”). Orang Fransch kata „De donees arbres douces pommes” („Poehoennja manis boeanja matiis”).

Diwaktoe jang paling blakang pengatahoean oendjoek begimana toeroenan ada berpengaroe besar atas satoe orang poenja adat dan sifat-sifat; sebelonnja 'pengatahoean bisa oendjoek ini, rahajat soeda lama goenaken pepata pepata terseboet, sebab zonder „pengatahoean "iaorang soeda bisa rasaken jang oemoemnja ”Katjang tida boeang landjaran". I Satoe pepata Latyn jang koeno ada bilang „Voxpopuli, vox Dei?’ atawa „Soearanja rahajat, ada soearanja Allah”. Bangsa Tionghoa ada poenja pepata jang mirip dengan ini pepata Latyn, jalah „Tien sze tzu ngo min sze, tien ting tzu ngo min :ting” jalah ”Langit (Allah) meliat seperti rahajat meliat dan denger seperti rahajat mendenger”. Djoega ada pepata-pepata jang boekan sadja sama maksoeknja tapi poen sama boenjinja dalem berbagi-bagi bahasa. Begitoelah orïing Tionghoa bilang: ),Siapa tida kerdja, ia tida makan" dan satoe pepata Olanda djoega kata begitoe ”Wie niet werkt zal niet eten” Orang Inggris bilang: „No mill, no meal” („Tida menggiling, tida ada makanan’’) Orang P'ransch dan Duitsch poenja pepata tentang ini hal ada sama boenjinja dengen pepata Tionghoa dan Olanda.

Kaloe orang berlakoe goblok dan berboeat kasalahan laen jang lebih besar, lantaran tida maoe lakoeken satoe kasalahan, orang Tionghoa bilang: „Kaloear dari sarang srigala, masoek ka moeloet matjan”. Orang Romein di djaman doeloe goenaken oetjapan „Incidit in Scyllam cupiens vitare Charibdin” atawa ”Dari Scylla masoek ka Charybdis” (Scylla dan Charybdis ada doea tempat jang berbahaja di laoetan). Orang Olanda bilang : „Van den regen in den drup komen” atawa „Van de wal in de sloot’’?jalah „Dari darat ka solokan”. Antara pepata-pepata Tionghoa banjak sekali jang tida terdapet dalem laen-laen bahasa, bagitoe poen sebaliknja. Begitoelah pepata Tionghoa jang kata : ”Kambing berloetoet diwaktoe makan soesoe iboenja” tida terdapet dalem laen-laen bahasa.

Laen pepata Tionghoa kata: ”Kaloe pake badjoe, inget orang jang bikin ; kaloe makan saban hari, inget orang tani poenja tjape.” Ini pepata jang paling blakang, ada satoe pepata jang soeroep sekali boeat digoenaken oleh kaoem socialist, sebab orang-orang kaja dan hartawan oemoemnja tiada inget sang tani poenja tjape diwaktoe makan enak dalem gedongnja. Djoega bebrapa pepata Tionghoa laen oendjoek ia poenja sifat jang democratisch. „Boenoe satoe radja djahat boekan pemboenoehan jang berdosa" kata satoe pepata dari kitab Soe Sie (Beng Tjoe). Laen pepata bilang : ”Baginda radja ada ajah dari rahajatnja dan boekan satoe madjikan jang moesti dilajanin oleh boedak-boedak”, Ada lagi satoe pepata Tionghoa jang kata : ”Kaloe radja melanggar atoeran, ia moesti dihoekoem seperti orang biasa”. Kaloe ia poenja pepata-pepata bisa cligoenaken boeat oekoeran, bangsa Tionghoa moesti diakoeh rada-rada bersifat Bolspik ....