Telaga Bodas

SinPo.id - Di pertengahan antara Tjibatoe dan Garoet jalah halte Wanaradja. Banjak djoega orang jang koendjoengin Garoet Pergi liat Telaga Bodas, lantaran ini marika sering anggep sadja itoe telaga anja di Garoet. Sabenernja Telaga Bodas ada di antara Wanaradja dan Tjiawi, djadi letaknja ada di seblah Wetan dari Garoet. Roepanja itoe telaga ada lebih berdeketan dengen Wanarac! Ja dari pada Tjiawi, maka itoe oemoemn- ja orang ambil djalan dari Wanara-dja boeat pergi kasi toe.

Telaga Bodas, atawa Telaga Poetih, pda berdjaoehan dari goenoeng Galoenggoeng, dan roepanja ada berhoeboeng sama itoe goenoeng api jang tempo-tempo bakerdja. Itoe telaga dina- aken poetih lantaran aernja ada ber- Warna semoe poetih. Tida begitoe poe- seperti aer beras tapi mirip dengen aer laoet jang dalem kobakan kapoer. bikin aernja itoe telaga djadi Poetih adalah warirang atawa tjolok pH goenoeng api. Bebrapa poeloe me-ter sabelonnja orang sampe di pinggir-Ja itoe telaga orang soecla bisa baoeinbaoenja warirang. Aernja jang banjak e/tjampoer dengen itoe barang tida lsa diseboet boetek dan djoega tida Panas. Tapi orang bilang satoe waktoe 'toe telaga bisa berboelak-boelak laksa- na berdidi, dan di pertengahannja itoe aer kadang-kadang menjemboer tinggi. Boleh djadi djoega itoe waktoe aernja ada panas. Itoe telaga tida terlaloe loewas, tapi ada mengasi pemandangan jang indab, teroetama waktoe matahari pagi atawa matahari lohor tjorongken sinarnja pada itoe aer jang mengkredep laksana perak dan kombali mengasi sinar jang bagoes pada boekit-boekit dan poehoen-poehoennja jang sebagi benteng di sakiternja. Bagi toekang gambar kita pertjaja pemandangan di itoe tempat bisa kasi materiaal jang sampe memoeasken. Boekan sadja di itoe telaga, tapi di sepandjang perdjalanan ka sitoe poen tida sedikit landschap jang mendjadi type dari tanah pegoenoengan di Preanger. Telaga Bagendit dan telaga Tjangkoewang di Leles orang bisa pandang dari kedjaoehan dan kaliatan tjoema sabesar empang-empang biasa.

Perdjalanan dari Wanaradja sampe di itoe telaga koerang lebih ada 12 kilometer, dan anipir anteronja itoe perdjalanan orang moesti djalanin dengen berkandaran koeda atawa djalan kaki atawa dengen tandoe. Sasoedanja liwatin doea desa ketjil orang lantes moesti djalan di pinggiran goenoeng dan boekit-boekit. Ada bebrapa djalan tjabang jang menoedjoe ka laen-laen desa. Ada bebrapa tandjakan jang tinggi tapi tida soesa boeat orang naek dengen djalan kaki atawa berkandaran koeda. Tjoema sajang boekan sadja itoe telaga ada sanget djaoe dari desa, tapi djoega tida ada tempat boeat orang menedoeh di pinggirnja itoe telaga. Orang soeda diriken satoe koepel, tapi sekarang itoj koepel soeda tida ada toetoepnja lagi. Katanja tida ada atep jang bisa tahan lama dipasang di atas itoe koepel, setaoe lantaran apa, tapi heran kenapah orang tida maoe pasang toetoep dari papan jang tentoe bisa tahan lama kaloe diliat tiang-tiang dan lonengnja itoe koepel semoea ada dari kajoe. Waktoe matahari mentjorong keras orang boleh menedoeh di bawah poehoen-poehoen, tapi orang tida bisa berboeat demikian boeat menedoeh dari oedjan, sedeng seperti biasanja di pegoenoengan, cli si toe sering toeroen oedjan. Ada baek boeat orang jang ingin koendjoengin itoe telaga kaloe ia pergi di moesim terang. Betoel orang bisa saksiken pemandangan jang laen matjem waktoe itoe aer jang seperti perak ditimpah dengen aer oedjan jang deres, dan tatkala sang oedjan berlaloe dan mentjorong lagi sinar koening seperti mas dari mata hari jang brangkat silem, tapi orang koedoe brani bikin pakeannja lepek dan kedinginan.