Anak - anak jang pinter

SinPo.id - Belon berselang begitoe lama dalem ini weekblad kita dapet batja sairan dari Nathalia Crane jang baroe beroesia 9 a io tahon. Ini memang ada satoe hal jang loear biasa, tapi toch boleh dibilang banjak anak-anak begitoe, jalah jang loear biasa pinternja di waktoe moeda sekali.Begitoelah Hugo de Groot (Grotius), itoe achli wet Olanda jang terkenal, masoek dalem sekolah tinggi di Leiden, koetika [beroesia........................ sabelas tahon! Penjair Tionghoa Po Chu I (772-846) dapet gelaran sekola tinggi jang paling tinggi dalem oesia 17 tahon. Li Tai Po (Lie Tay Pek), penjair djeman Tang jang termashoer soeda menjair waktoe oemoer sapoeloe tahon; Satoe penjair laen, jalah Feng Yen (abadPertama sasoedanja Jezus) bisa batja kitab Si King di loear kapala dalem oesia sembilan tahon. Wang Pieh (648-676) moelain mengarang dalem oesia anem tahon dan Chuan Te Yu (759-818) soeda moelain menjairdalem oesia ampat tahon. Menoeroet katanja Stanley Hall (Youth, P' 202), Wagner telah salin saparo dar kitab Odyssey (karangan Homerus) daleni oesia moeda sekali.

Tycho Brahe koendjoengin sekola tinggi di Kopenhagen dalem oesia tiga bclas tahon. Sala satoe penjair Olanda jang paling terkenal 'ada Jacques Perk; ini penjair terUhir dalem tahon 1859 dan soeda Meninggal dalem oesia doea poeloe tahon lebih, jalah dalem tahon 1881. Jlaskipoen oemoernja begitoe pendek, 'a tinggalken satoe boekoe sairan (Ma- 'hilde, Een Sonettenkrans) jang bikin 'a poenja nama tertjatet dengen letter aer mas boeat selama-lamanja dalem boekoe hikajat literatuur Olanda. Penjair Olanda jang oeloeng sebagi Wjllern Kloos tida abisnja kagoemken 1Ul-penjair moeda dan satoe pengarang Olanda jang terkenal sebagi Vosmaer telah bilang (koetika batja Perk poenja bebrapa sairan): „Er vaart een aam van Dante door dit Dicht” atawa kiralra: „Aloesnja Dante (itoe penjair dari italie jang termashoer) seperti hi-doeP kombali dalem ini sairan”. Dan boekan sadja dalem oeroesan karang mengarang sadja kadang-kadang terdapet anak-anak jang loear biasa; dJoega dalem oeroesan muziek, meng-Saxnbar, ilmoe itoeng, maen tjatoer ter- dapet anak-anak begitoe. Sajang sekali antaranja banjak jang meninggal di waktoe moeda sekali, sebagi Perk.

Sala satoe anak jang loear biasa pandenja dalem muziek ada Frits Hintze, jang terlahir di sini dan belon begitoe lama tinggal di ini kota (Batavia). Koetika masi pake tjelana koetoeng, ia soeda bisa maen biola, begitoe bagoes, hingga achli-achli muziek jang pande sampe diam lantaran kagoem dan heran. Sekarang oemoernja baroe kira-kira doea poeloe tahon, tapi soeda mempoenjai Middelbare Acte boeat muziek. Tapi sebaliknja tida sedikit anak-anak, jang di waktoe ketjil kaliatan loear biasa poenja bodo dan goblok, tapi jang blakangkali toch mendjadi tersohor di koeliling djagat.Isaac Newton, itoe achli ilmoe alam Inggris jang termashoer, di waktoe sekola di „Trinity College” ada satoe student „bodo” sekali. Napoleon, di waktoe sekola, boekan No. I, boekan No. 2, tapi dikasi No. 42 lantaran ia poenja „bodo”?hingga ia dianggep sebagi sala satoe moerid jang paling b o e n t j i t. Darwin di waktoe sekola, djoega dianggep sebagi moerid goblok dan Rabindranath Tagore telah minggat dari roemah sekola di waktoe moeda sekali. Toch sasoedanja dewasa ia mendjadi sala satoe „bintang” dari bangsa Hindoe!