Bahaja Gledek

Petir zaman dulu disebut gledek, menjadi kekhawatiran tersendiri bagi publik. Hal itu ditulis koran Sin Po edisi 1 Sepetember 1934, hingga sekarang tak asing istilah disamber gledek.     

SinPo.id -  BANJAK orang jang takoet gledek dan memang gledek atawa kilat bisa bikin orang binasa, maski jang berbahaja boekan soeara heibat jang kadengeran tapi api kilat jang mengkredep. Itoe soeara biar bagimana besar poen tida ada bahajanja, sebab jang bisa tiwasken djiwa ada api kilat.

Mr. Paul W. Kearney telah oendijoek dalem The Saturday Evening Post bagimana di Amerika Sariket dalem tempo satoe taon kira-kira 2000 orang jang disamber kilat dan jang mati dari itoe djoemblah Kirakira 500 atawa 25%. Hingga kans boeat disamber gledek tjoema satoe antara 240.000. Ini berarti bahoea kans terseboet tjoema ada satoe per lima ratoes bagian dari kans boeat dapet tjilaka lantaran auto atawa auto boleh dikata ada „lima ratoes kali lebih berbahaja" dari gledek. Tenaga dari gledek ada besar sekali dan. kaloe oepama satoe poehoen disamber dengen direct, aernja (sapnja) mendidi lantas dan djadi oewap sama sekali.