Kagoenahannja gambar hidoep boeat sekola

Gambar hidoep sering dinamaken pendapetan jang tida selaloe membawa berka, lantaran akal akal jang dipertoendjoekin disitoe sering digoenaken oleh pendjahat- pendjahat, dan sebab di sitoe sering orang kasi liat gambar-gambar saperampat, satengah, tiga perampat atawa poen 100 pCt. tjaboel.

Tapi tida bisa disangkal, kaloe digoenaken dengen betoel, gambar hidoep bisa membawa kapentingan besar, oepama boeat anak-anak sekola.

Goeroe-goeroe boleh tjeritaken pada anak-anak tentang moesim dlngln atawa tentang negri asing, tapi apa jang ditjeritaken tida gampang melengket.

Dengen bantoean gambar apa jang ditjeritaken lebih gampang „masoek" dalem otaknja sang anak, dan lebih menarik hati lagi kaloe orang goenaken gambar hidoep boeat bantoe terangin peladjaran.

Di Europa soeda ada schoolbioscopen, alah film-film peladjaran boeat anak-anak sekola dan djoega di Tiongkok Commercial Press telah bikin film peladjaran speciaal boeat anak anak sekola.

Dr. C. W Kfmmins telah bitjaraken ini oeroesan dalem satoe toelisan „The Cinema In Education” (China Press, Oct. 12, 1926).

Gambar mati tentoe sadja dioega ada goenanja, tapi anak-anak ketjil lebih soeka apa jang bergerak dan „hidoep”.

Dan salah satoe soewal jang paling penting dalem peladjaran ada soewal tarik hatinja sang moerid.

Goeroe jang bagimana pinter poen tida bisa mengadjar dengen berhasil, kaloe la tida bisa blkln peladjarannja menarik hati boeat anak anak sekola.