Hoakiauw Di Berlin

SinPo.id - Di Europa sekarang ditaksir ada 50.000 orang Tionghoa, antara mana ada 30.000 orang pakerdjahan atawa koeli dan 20.000 student.

Dan kabanjakan dari ini studer.t t Tionghoa, jaitoe kira kira 10.000 orang ada beladjar di Paris, dimana marika dikasi hati oleh publiek dan gouvernement Fransch. Samentara itoe 20.000 student Tionghoa tida brentinja koeliling Eurnpa dan dalem marika poenja perdjalanan adalah Berlin jang djadi poesatnja, sebab terletak di tenga-tenga antara London, Paris, Weenen, Munich, Zurich, Rome, etc. Djoega kerna banjak dikira ongkos perdjalanan atawa pengidoepan di Berlin ada lebih moera dari pada di laen-laen kota besar, hal mana sabenernja ada kliroe sekali. Malahan harga soesoe (makanan rahajat) di Berlin ada lebih mahal, dari pada di Amsterdam; soeda lama harga barang di Berlin sama tingginja seperti harga di pasar doenia, kendati masi ada satoe-doea matjem barang jang masi moera, seperti horloge rosokan, etc. Baroe ini saja ngalamin sendiri di Berlin saja poenja ongkos tida kalah sama di Engeland.

Tapi maski begimana djoega ada banjak orang Tionghoa saliweran di Berlin, dimana sekarang ada 1000 student Tionghoa. Poen Hoakiauw darj Java sering saling ketemoe di Berlin, begitoe belon lama bebrapa familie Tionghoa dari Semarang dan Soerabaja, jaitoe familie-familie Thio Sing Liong, Tan Tjwan Bie, Goei Ing Hie dan Madame Kan Teng Liang telah ber- djamoe di Studenten Club Tionghoa di Berlin. Poen disitoe saja doeloean perna nampak' Dr. Lie Tjwan Ing, Ur. Lie Tjwan Kiat dan Dr. Tan Ping Ie. Bebrapa banjak student Tionghoa laen dari Java ada beladjar di Frankfurt, Munich, Hamburg, Munster, Jena dan Leipzig. Di Berlin sekarang ada satoe restaurant Tionghoa besar dan bagoes, bisa moeat 500 tetamoe.

Baroe ini saja soeda clateng cli Berlin boeat liwatken tempo vacantie bersama toean Kwee Hing Tjiat. Boeat ketemoe in padanja boekan ada satoe perkara gampang, sebab ia banjak dalem perdjalanan, ini hari ia bersama toean, Oei Soen Lok b.ikin nasi goreng di Manchester, besoknja ia soeda tertampak di Place Pigalle di Paris, aken doea hari kamoedian orang bisa dapetken padanja nongkrong di tepi soengei Donau di Budapest.

Saja menoedjoe ka roemahnja di Sav’igny Platz di Berlin, dimana saja dikasi taoe, K. H. T. soeda sekean lama tetira di Cladow, satoe djasirat di tengah telaga Wannsee deket Potsdam, bersama dr. Lie Eng Tin dari Malang, jang obatin padanja.

Di kebon saja dapetin ini doea orang bersama lagi satoe dr. Hoang dari Honolulu jang sedeng pentil banjo sembari menjanji lagoe On the Beach 0 f W a i k i k i .

Sasoeda mengomong banjak tentang segala oeroesan, achirnja saja iseng- iseng tanja pada K. H. T.: Apakah kaoe batja boekoenja toean Han Tiauw Tjong tentang industrie di Tiongkok ?

—Ja.

— Apakah kaoe anggep industrie aken bisa bikin beres kakoesoetan tli Tiongbok (dan doenia) sabegimana ada dibilang dalem itoe boekoe ? tanja saja lebih djaoe.

—Inilah ada satoe ”industrial” nonsens, cli Tiongkok malahan soeda teria oe banjak djoemblanja „chevalier d ’ i n d u s t r i e ”?jang djadi penjakit besar bagi Tiongkok ! !

—Begimana kaoe poenja anggepan tentang itoe boekoe sendiri ? tanja saja poela.

—Sajang.

 —Sajang begimana ?

—Material tjoekoep, tapi tidaber- n j a Av a , oepama makanan tida digested, ibarat boneka dipakein rapiJ Tapi itoelah tida heran, Tiauw Tjong poenja maksoed haroes dihargaken, hanja ia belon kenal practyknja pengidoepan. Oepama ia pertjaja sadja dan koet i b tjatetan dari China Year Book jang terkenal banjak bohong, begitoe djoega tentang oeroesan bank etc. di Tiongkok jang banjak dibikin nmen gila. Saja tida bisa setoedjoe sama ini matjem o p t i m i s m u s, jang berwates pada t j e r o b o , sebab kamoedian nanti bisa berbalik ka laen oedjoeng, jaitoe podjokan p e s s i m i s mus. Rahajat Tiongkok koedoe dididik aken menginget pada Tiongkok dengan hati mengasi, djanganlah sekali dengen hati mengambil, seperti adatnja segala djagoindus- trie. Demikian Tiauw Tjong maoe boeka satoe arbeidsbeurs di Tiongkok bagi student Tionghoa dari Nederland, sedeng pada 6o taon doeloe Ito telah balik di Japan dari Europa dengen risico bisa dipotong kapalanja. *) Disinilah bisa diliat bedanja antara batin Dai Nippon dan batinnja itoe boekoe dari Tiauw Tjong.

Demikian saja tinggal kira-kira saminggoe di Cladow bersama tiga kawan tadi, sampe pada soeatoe sore K.H.T. dapet trima satoe soerat, jang bikin ia berkata: — Ini malem saja moesti brangkat ka Italy boeat samboet toean Oei Kang Lok dari Soerabaja di Genoa.

Tiga djam kamoedian K.H.T. doedoek dalem express ka djoeroesan Milano.

Tang Lean g Li