Lady Lever Art Gallery.

SinPo.id -

Lady Lever Art Gallery.

Gedong dari „Lady Lever Art Gallery” di Port Sunlight.

Lady Lever Art Gallery ada namanja Satoe gedong di maria ada dipertoendjoekin barang-barang kunst dari berbagi-bagi bangsa.

Ini „ Art Gallery??terletak dalem satoe doesoen ketjil, jaïah Port Sunlight (dekat Liverpool).

Viscount Leverhulme telali diriken ini gedong boeat peringetannja ia poenja istri jang tertjinta.

Tentoe sadja dalem ini museum teroetama dipertoendjoekin barang-barang kunst Inggris.

Antara laen-laen orang bisa liat gambar-gambar teekenan dari toekang- toekang menggambar jang terkenal sabagi Sir Joshua Reynolds (,,Venus Chiding Cupid”?”Two Children with a Bird's Nest’’)?Gainsborough („Woodland Pool”)?Romney dan Hoppner.

Salaennja gambar-gambar jang indah, dalem ini Art Galery ada dipertoendjokin djoega roepa-roepa patoeng dan bebrapa roewangan jang disediaken speciaal boeat barang-barang kunst ... Tionghoa.

Dalem ”China Hall” ada berbagi-bagi barang porcelein bikinan Tionghoa seperti orang bisa liat di gambar jang kita moeat.

Salaen dari ini „China Hall’’ masi ada satoe ”Chinese Porcelain Room”.

Begitoe orang asing hargaken barang kunst Tionghoa, hingga maskipoen dalem satoe museum di satoe doesoen jang orang ampir tiada kenal orang perloeken sediaken bebrapa roewangan boeat kunst kita poenja bangsa.

Bangsa Tionghoa sabenarnja tida boleh kala dengen laen bangsa dalem hargaken dan . . . djaga barang kunst sendiri.

Ini museum diboeka pada boelan December, tahon 1922 oleh prinses Beatrice.

Architect-architect jang bikin iwi gedong ada William dan Segar Owen dari Warrington.