ALLAH TIDA BOETA

SinPo.id -  Berbareng dengen itoe, satoe Politie hntas berada di hadepannja. la minta liat apa isinja itoe boengkoesan. Dengen moeka poetjet dan tangan bergoemeter Albert boeka tali jang mengiket itoe boengkoesan. Itoe Politie lompat bo brapa tindak djaoenja, tatkala ia dapet liat apa adanja isi dari itoe boengkoesan. „O, kaoe tentoe ada satoe pembnenoeh, toewan. Atas namanja wet akoe tangkep kaoe.” kata itoe Politie dengen soeara keras. Albert tjoba kasi ketrangan, tapi Moeloetnja seperti terkantjing, hingga tiada ada soeara omongan jang bisa kaloear dari moeloetnja. Seperti orang jang tiada bersoemanget, ia toeroet antero prentanja itoe hamba wet, jang lantas bawa padanja brikoet dengen itoe mait, ka kantoor Politie. Albert lantes dimasoekin ka dalem pendjara boeat menoenggoe aken Preksa pada besolc pagi, sedeng Tedy lantas dikirim ka roemah sakit boeat dipreksa. Dengen pertoeloengannja docter, ratjoen jang berada di dalem peroetnja Tedv soeda bisa dikloearken anteronja, hingga selang bebrapa djam kamoedian, ia djadi mendoesin. Docter prenta padanja boeat tidoer lagi, kerna ia perloe mengasoh.

lll

DI GEDONG PENGADILAN. Satoe malem telah berlaloe zonder terdjadi apa-apa jang penting.. Pada djam 9 pada esok harinja, Tedy dipang il mengadep oleh politie boeat ditanja katrangan-katrangan jang perloe. Ia soeda kasi katrangan jang lengkep, hingga memoeasken hatinja pembesar politie. Boleh djadi Iantaran perloe djoega dengen akoe poenja katrangan, maka akoe soedah diminta dateng ka kantoor politie. Memang pada itoe pagi akoe berniat aken bikin pengadoeban apaapa pada politie, Iantaran akoe merasa tiada enak, seperti djoega satoe katjilaka'an telah menimpa pada dirinja moeridkoe, kerna tiada sari-sarinja pada itoe pagi ia tiada dateng sekola.

Akoe soeda soeroe orang dateng ka roemanja moeridkoe, itoe orang soeroehanbawa kabar jang menjediken, Menoeroet ketrangannja njonja Tompson, dengen tiada kataoean, sedari kemaren malem, Tedy telah mengilang dari roemahnja. Akoe lantas toetoerken pada pembesar politie antero pembitjarahan jang akoe dan Tedy bikin pada kamaren siang. Sebagi penoetoep akoe bilang padanja bahoea kaloe sekarang Tedy mengilang dari roemanja, iboe tirinjajang mempoenjai pertanggoengan atas ini hal. Sebagitoe lama akoe tiada dapet taoe bahoea Tedy masi idoep dan sedeng disemboeniken di dalem kamar, akoe poenja doegahan tentoelah moeridkoe soeda binasa. „Memang akoe lagi sedeng preksa ini oeroesan, kaoe aken didjadiken saksi dalem ini perkara. Djangan kwatir, Tedy sampe sekarang masi idoep dan disemboeniken di dalem kamar boeat djadi saksi jang teroetama. Sekarang kaoe boleh toenggoe doeloe di laen kamar, akoe maoe preksa pada persakitan Albert. ”Seabisnja oetjapken itoe perkata’an ia laloe bri tanda pada opasnja boeat panggil pada Albert, sedeng akoe dianter ka laen kamar boeat menoenggoe laen panggilan. Dengen moeka poetjet dan badan bergoemeter Albert daténg ka bangkoe persakitan. Lantaran merasa bahoea kadosahannja soeda terang dan harep dapet hoekoeman lebih enteng, Albert soeda mengakoeh teroes terang, hingga membikin hakim djadi girang, Iantaran ia tiada moesti boeang tempo boeat preksa pada itoe persakitan.