Otak poenja berkerdja

Dengen pekakas jang aloes orang bisa preksa dengen terliti begimana sang tak berkerdja, begimana dara pergi dateng ka sitoe dan begimana hawanja naek toeroen tida brentinja dalem kita Poenja otak. Begitoelah Dr. J. S.Lombard telah tjari taoe begimana hawanja kita poenja otak di waktoe berpikir dan tida berpikir.

Ia dapet kanjatahan balioewa, kaloe kita poenja otak lagi berkerdja sebagi di waktoe kita membatja sairan, hawa panas dalem otak naek sedikit, jalah djarang lebi dari satoe graad (oekoeran panas Fahrenheit). Djadinja sang otak troesa dikasi berkerdja berat boeat bikin hawa panaek; batja sair soeda tjoekoep boeat bikin itoe hawa panas naek, maskipoen naek dengen sedikit sekali, jalah begitoe poenja sedikit hingga tjoema bisa dioekoer dengen timbangan Panas speciaal jang loear biasa poenja aloes.

Menoeroet papreksahannja Dr. Amidon djoega kaloe kita poenja badan berkerdja, sebagi gerakin tangan atawa demikian, hawa panas dalem otak naek sedikit. Seperti orang tentoe taoe, kaloe kita gerakin badan, kita moesti goenaken erat dan kita baroe bisa bergerak, kaloe itoe oerat-oerat dapet „prenta" dari otak.

Orang djangan kira, kaloe badan berkerdja, otak tentoe mengaso dan “da berkerdja apa-apa; ini kliroe dan djoega laen-laen pamereksahan oen djoek jang otak poen toeroet mendjadi tjape, kaloe badan berkerdja. Hingga I)r. G, Ootmar ada toelis dalem ia poenja boekoe „De Wereld van het Kind” „Spierarbeid „is hersenarbeid ’(,,Perkerdjahan oerat ada perkerdjahan otak’’).

Banjak orang kira, kaloe maoe bikin otak mengaso, moesti kasi badan bergerak banjak; ini ada kliroe. Kaloe maoe kasi otak mengaso betoel- betoel, orang moesti rebah dan tidoer poeles betoel betoel, dan boekan maen sport jang berat. Jang bawa panas dalem otak naek, di waktoe berpikir orang troesa herari sebab kaloe kita berpikir banjak dara masoek ka dalem otak.

Mosso ada mempoenjai pekakaspekakas jang aloes dan jang dinamaken ，'plethysmograph’’ dan „sphygmograph’’ boeat oekoer masoek kaloearnja dara dalem bebrapa bagian badan. Pikiran jang begimana sedikit poen ternjata bikin dara djadi berUmba dalem otak. Ini telah ternjata dengen tegas sekali pada sakit jang ' sabagian dari batok kapalanja petja, hingga otaknja kaliatan.

Kaloe ini orang sakit diadjak bitjara, dara lantes ternjata memboeroe dating ka dalem ia poenja otak. Djadinja maskipoen ia tida bitjara, tapi tjoema dengar orang bitjara, ia poenja otak toch soeda moesti berkerdja hingga- djoembla dara dalem otaknja bertamha,  Orang bisa pikir sendiri begimana berat kita poenja otak moesti berkerdja ! Saban kita berpikir, saban kita dengar orang bitjara, dara dateng memboeroe ka dalem otak!  Lantaran ini perloe sekali orang kasi otak mengaso di waktoe jang perloe. Boeat kasi otak mengaso tida ada djalan lebih baek dari tidoer poeles, hingga „tida inget daratan”.

Pikirken roepa-roepa hal di waktoe tidoer tida baek sekali/ sebab kaloe begitoe kita poenja otak tida dikasi mengaso, hingga di waktoe bagoen ia tida mendjadi segar. Uari itoe orang moesti djadiken kabiasahan boeat tida pikirken apaapa lagi di waktoe tidoer inalem. Segala perkara-perkara jang roewet bisa di poetoesken lebih gampang di waktoe bangoen, jalah Sasoedanja otak dapet mengaso dan mendjadi segar kombali.