Kasi angka-angka bitjara.

QRANG asing ada jang bilang bahoea Tiongkok ada negri kaloet dan malahan ada jang kata Tiongkok “tida lama lagi” bakal Moesna. Sebab segala apa moendoer dan segala apa mandek. Apa ini betoel? Baek ini anggepan bahoea Tiongkok aken bangkroet didjawab dan dibanta dengen angka-angka.

Begimana dengen Tiongkok poeperdagangan asing? Dalem taon 1870 ini djoembla tjoema ada 130 millioen tael. Dalem taon 1890 ini angka naek djadi 210 millioen, dalem taon 1910 djadi 840 millioen dan dalem taon 1029 djadi 2280 milloen!

Dalem tempo kira-kira, 60 taon ini perdagangan naek dari 130 sampe djadi 2280 millioen. Kaloe‘ ini maoe dinamaken mandek” atawa „moendoer”，kita tida taoe apa j.ang moesti dinamaken ”djalan” atawa „madjoe”.

Betoel boeat negri besar sebagi Tiongkok djoega angka lebih dari doea riboe millioen masi terlaloe ketjil,tapi dalem segala apa orang moesti sabar sedikit. .Djoega, Romè dan Aken tida dibikin rampoeng satoe hari.

D.alem taon 1870 barang, masin dan laen kaperloean industrie jang fkasi masoek ka Tiongkok tjoema erharga 4 millioen tael, tapi dalem faon 1929 ini angka djadi 113 miloen atawa lebih dari 26 kali lipet Tjoba sekarang kita liat ka laen Joeroesan oepama oeroesan radio!

Bebrapa taon berselang Palace hotel di Shanghai adaken pekakas rada ketjil dan ini ada pekakas radio di Tiongkok jang pertama.

Sekarang di Tiongkok ada lebih hari 40 radio-stations, antara mana ada itoe Chenju-station jang bisa bikin perhoeboengan direct dengen

San Francisco (Amerika) dan Nauen (Duitschland). Pemerentah Tiongkok lagi karang rentjana wet boeat wadjibken sesoeatoe kapal jang besarnja lebih dari 500 ton dan jang berlajar dilaoetan atawa kali bilangan Tiongkok aken pake pekakas radio, nie nceroet boenjinja International Radiotelegraphic Convention.

Dalem oeroesan post djoega orang liat kemadjoean besar; dalem taon 1906 di Tiongkok tjoema ada 2 riboe kantoor post, tapi dalem taon 1927 ini angka lontjat djadi doea belas riboe! Berhoeboeng dengen semingkin madjoenja perdaga bank Tionghoa jang didiriken poen semingkin bertamba.

"Menoeroet tjatetan dalem boelan Juni t,aon 1929 di Tiongkok ada kira-kira 230 bank-bank Tionghoa,antara mana ada bank prampbean di Shanghai, j.alah Woman's Com-, mercial and Savings Bank jang didiriken dalem taon 1924 dengen kapitaal Jang distort penoe dari seperampat millioen dollars.

Dalem oeroesan panerbangan orang liat bagimana senantiasa diboeka lijn-lijn terbang baroe. Post Office Department dari pamerentah Tiongkok wartaken dalem tempo anem boelan masin-masin terbang di djoeroesan Shanghai-Nanking-Hangchow telah terbang sama sekali 300.000 djam zonder barang satoe katjilakahan.

Dalem oeroesan industrie djoega orang liat fcamadjoean; maskipoen keadahan djaoe dari bagoes berhoeboeng dengen paperangan soedara, Tiongkok bisa angkat dirinja djadi negri nomor tiga jang kaloearin katoen kasar paling banjak di doenia.

Fabriek-fabriek kaen. Sekarang ada kira-kira 120 di Tiongkok dan saingan industrie kaen Tiongkok soeda moelain dirasaken oleh induslfcrie Japan seperti dioendjoek oleh „Present Day Japan” dari „Asahi” jang paling- blakang.

Roepa-roepa barang, jang doeloe Tiongkok perloe kasi dating dari negri asing, sekarang bisa dibikin di Tiongkok sendiri sebagi pekakas electrisch, radio, themosflesch, pekakas boeat peladjaran natuurkunde dalem, sekola, barang celluloid, sepatoe, gramofoon, obat boeat matiken koetoe (sematjem „Flit” Tionghoa), enz. enz. Banjak dari ini barang-barang bisa diliat dalem gedong Siang Hwee di Batavia.

Dalem oeroesan penangkepan ikan di waktoe jang blakangan djoega orang maoe toeroet djalannja djeman; proefstations ikan telah diboekia dan toekang-'toekang ikan diadjar menangkep setjara baroe. •-

Di Tiongkok memang masi banjak kakaloetan, tapi orang djangan kira semoea kaloet dan semoea moendoer atawa mandek.