Soerat dari negri Olanda.

SinPo.id -  Lantaran antara soerat kabar Olanda (sebagi I n d. Post) ada jang mempoenjai correspondent speciaal boeat oeroesan Tiongkok, kita poen sekarang moeat „Soerat dari negri Olanda" boeat bales ”boedinja” orang-orang laen jang „perhatiken” keadahan Tiongkok. ”Negri Olanda ada sala satoe negri jang loear biasa di doenia. Pertama itoe negri ada renda sekali, di bebrapa bagian daratnja ada terletak lebih renda dari moeka aer laoet jang moesti didjaga oleh gili-gili boeat tjegah soepaja negri Olanda tida mendjadi karem dan orang-orang Olanda tida mendjadi kapiting atawa ikan. Pendoedoeknja negri Olanda kira-kira 7 millioen, jalah tida lebih dari satoe bagian ketjil dari djoembla pendoedoeknja satoe provincie jang tida terlaloe besar di Tiongkok.

Bangsa Olanda terkenal sebagi bangsa jang amat resik ; ini moesti diakoeh Sebagian tapi kita tjoema heran ia orang ampir tida taoe mandi-mandi. Banjak orang Olanda jang mandi tjoema satoe tahon sakai i atawa jang dalem saoemoer hidoepnja tjoema maildi doea tiga kali. Antara orang Olanda banjak djoega

jang pinter-pinter dan jang tersohor sakoeliling djagat, teroetama dalem oeroesan physica. Sekarang di Nederland ada berdiam oanjak student-student Boemipoetra dan rionghoa dan iaorang bisa liat disana bangsa Olanda i n h u n h e m m e t j c.

Orang-orang Olanda jang di Hindia jongkak dan olo-olo sebab maoe di pandang sebagi ”toean”, di negrinja sendiri banjak jang tida lebih dari koelikoeli dari golongan jang paling renda. Di Hindia orang Olanda tjoema maoe pegang kerdjahan ”tinggi” sadja, tapi dalem iaorang poenja negri toekang bersiken djalanan, bersiken got, kakoes, dan laen-laen lagi semoewa dilakoeken oleh bangsa Olanda sendiri, jang matanja biroe. Djalanan-djalanan besar dalem kotdada besar dan dirawatin baek, tapi djoega ada kampoehg-kampoeng jang mesoem dan kotor dan berbaoe tida haroem.

Bangsa Olanda maskipoen ketjil sekali, toch tida bisa setoedjoe satoe pada laen. Barangkali tida ada bangsa jang mempoenjai begitoe banjak party-party dan perkoempoelan-perkoempoelan sebagi bangsa Olanda; ada kaoem Christen, ada kaoem Jahoedi, ada kaoem jang tida pertjaja igama, ada kaoem Oranje (jang soeka radja), ada kaoem Bolspik, ada kaoem Socialist dan banjak laen-laen lagi.

Sesocatoe kaoem terpetja lagi dalem banjak tjabang; begitoelah kaoem berigama Christen ada jang Katholiek, ada jang Calvinist, ada jang Lutheraan, ada jang bersifat M«rah (Christen-Socialist), enz. Baginda Wilhelmina oleh bebrapa kaoem masi disoeka betoel, tapi dianganlah orang kira semoewa orang Olanda masi soeka sama kaoem keradjahan jang sekarang.

Di negri Olanda tida koerang orang Olanda jang bentji familie radja lantaran iaorang anggep familie radja tida berkerdja soeatoe apa dan tida oesa tanggoeng soeatoe apa, tapi maskipoen begitoe toch makan gadji besar jalah bilang millioen satoe tahon. Kaloe ratoe Wilhelmina rajaken ia poenja hari tahon, djanganlah kira semoea toko-toko Olanda di Nederland rajaken hari besar dan rata-rata toetoep toko. Di Amsterdam oepama, banjak sekali toko-toko jang boeka teroes dan tida rajaken hari besar.

Di antara rahajat ratoe Olanda sering diseboet Willem i en dan prins Hendrik sering diseboet Henkie, saolah-olah iaorang ada iaorang poenja teman dan kenalan biasa. Orang prampoean koelit poeti banjak jang genit dan di tempat-tempat mandi besar sebagi di Scheveningen iaorang sengadja djalan moendar mandir di teplaoetan dengen loetjoetin ampir antero iaorang poenja pakean, jalah satoe hal jang satoe prampoean hina di Timoer ”takoet” lakoeken. Tentang negri Olanda masi banjak jang bisa ditjeritaken, tapi sekarang sampe di sini doeloe.”

L. T. T., De Vliegerstraat, Rotterdam.