Beng Tjoe sabagi Democraat

SinPo.id - Bangsa asing banjak jang kira itoe aliran democratisch di Tiongkok di waktoe jang paling blakang, ada diimport dari negri Berat jalah satoe anggepan jang keliroe, Beng Tjoe, jalah Kong Tjoe poenja moerid jang paling ternama soeda siarken anggepan-anggepan democratisch 300 tahon sabelonnja nabi Jezus nioentjoel di ini doenia, Beng Tjoe poenja pikiran-pikiran tentang pamerentahan seringkali ada begitoe poenja modern, hingga orang moesti merasa kagoemin ini philosoot Tionghoa poenja pemandangan jang loeas dan djaoe. Beng Tjoe terlahir dalem tahon 371 sabelonnja Jezus dan meninggal dalem tahon 288 sabelonnja nabi terseboet; Beng Tjoe djadinja hidoep berberang dengen Aristoteles, jaitoe achli bangsa Griek jang termashoer.

Bagimana modern adanja Beng Tjoe poenja pikiran, soeda bisa berboekti dari apa jang kadjadian dalem tahon 1911, jalah waktoe Revolutie di Tiongkok petja dan bikin roeboe dynastie Manchu. Kaoem revolutionair Tionghoa goenaken Beng Tjoe poenja kitab sabagi labriek sendjata dengen goenaken iapoenja oedjar-oedjar jang bersifat democratisch sabagi gegaman boeat belahken iaorang poenja haloean revolutionair dan democratisch. Menoeroet Beng Tjoe poenja anggepan dalem negri rahajat ada jang paling oetama dan ? saolah-olah ini belon tjoekoep terang radja ada jang paling renda (Dalem kitab Soe Sie, bagian Keng Tjoe).

Salaen dari ini oetjapan „Bin wie kwie??(„Rahajat paling oetama”)dan,Kocn wie king” („Radja piling enteng”) jang terkenal, Beng Tjoe poenja sifat democratisch poen bisa ternjata waktoe negri Yan (Yen) diserang dan si papjerang tanja pada Beng Tjoe apa itoe negri jang ia tclah rampas ia boleh poenjain.

Beng Tjoe kasi djawaban :

?Zrft???????o

???????????o

Atawa: „Tjie tji dji Yan bin wat, tjik tjie tji. Tjie tji dji Yan bin poet wat, tjik boet tjie”. („Tjie tze erh Yen min jueh, tjeh tjie tze. Tjie tze erh Ven min poe jueh, tjeh woe tjie.”) Jalah dalem" bahasa Melajoe : ”Kaloe rahajat Yan sendiri satoedjoe kaoe—boleh ambil, kaloe rahajat „Yan sendiri tida satoedjoe kaoe djangan ambil”. Volkenbond poenja plebisciet (pamoengoetan swara antara rahajat) dan anggepan bahoea pendoedoek negri sendiri jang boleh pilih pamerentahan jang ia soeka soeda dibajangken 23 abad sabelonnja Wilson poenja Volkenbond moentjoel.

Sasoeatoe orang jang batja kitab Beng Tjoe tida bisa tiada djadi inget itoe pepata Latyn jang koeno, jalah „Vox populi, vox Dein atawa „Swara rahajat ada sabaji swaranja Allah”. Tapi orang traoesa pindjem itoe pepata Latyn, sebab bangsa Tionghoa sendiri ada mempoenjai jang sama terang dan tegasnja, jalah ”Tian sie tjoe ngo bin sie, Tian ting tjoe ngo bin ting” atawa „Allah meliat, seperti rahajat meliat dan Allah mendengar sabagi djoega rahajat mendengar’’. Dalem ia poenja Kitab beroelang» oelang oendjoek satoe radja pat ng oetama moesti inget kapentingannja rahajat dan bagimana sasoeatoe radja ha* roes dasarken ia pnenja pameren 1 ahanatas dasar keadilan dan kabedjikan. Merampas orang poenja negri dengen kakoewatan sendjata ia anggep sabagi perboeatannja satoe maling.

Orang Olanda bangga, lantaran Hugo de Groot dalem abad ka 17 soeda roendingken bagimana satoe negri poen moesti indaken wet kabedjikan dan bahoewa merampas orang poenja negri moesti dinamaken „mendjadi maling” djoega. Tapi 2000 tahon sabelonnja Hugo de Groot moentjoel, Beng Tjoe soeda kaloearken ia poenja Ethiek (Wet ka- .bedjikan) boeat negri-negri dan soeda serang dengen seroe paperangan, tida kala seroenja dari serangan kaoem Pacifist di kita poenja djeman sendiri. Jang sampe di ini djeman Beng Tjoe poenja pikiran tentang pamerentahan masi soeroep dan masi banjak jang bisa dipakeh, ada oendjoek loewasnja ia poenja pemandangan dan djaoenja ia poenja pengliatan.