Tiongkok dibawa pamerentahannja Lie Sie Bin

SinPo.id - Sebagi djoega di bawah baginda Kian Liong Koen (Chien Lung), cli bawah pamerentahannja baginda Lie Sie Bin (Li Shi Min) dari djeman Tong Tiauw (Tang) Tiongkok poenja bintang ada terang sekali, hingga sasoeatoe orang Tionghoa mendjadi kapinginhidoep di itoe djeman, kaloe batja kemakmoeran keradjahan Tiongkok di itoe masa. Ahala Tong mamerentah di kitapoenja- tanah laloehoer dari tahon 618 sampe tahon 906 itoengan Mesehi, ja lah kira-kira 1000 tahon 'berselang. Baginda Lie Sie 13in moelain mamerentah dalem tahon 627 dan meninggal dalem tahon 648: Lie Sie Bin gantiken ia poenja ajah LieJan dalem tahon 627 dan di itoe koetikaahala Tong belon berakar betoel di Tiongkok lantaran baroe didiriken seabisnja kariboetan Tjap Peh T.o Hwan Ong.

Lie Sie Bin jang bikin tegoe ahala Tong dan tegoeken Tiongkok, hingga Tiongkok mendjadi satoe negri jang termashoer dan terinda. Koetika baroe beroesia 17 tahon I-ic Sie Bin telah bikin padam pembrontakan dalem negri. Djoega bangsa Turkomans ia bisa kalaken dan dalem paperangan clengen Thibet ternjata Tiongkok dan Thibet di itoe koetika ada sama tandingannja, sebab paperangan dinjataken seri clan radja Thibet menika dengen satoe poetry dari Lie Sie Bin. Koetika Alanishim rampas keradjahan di Hindia, radja Hindia minta Lie Sie Bin poenja bantoean dan dengen bantoeannja Tiongkok bisa ditangkep dan di bawa ka Tiang An, jalah iboe kota Tiongkok di itoe masa. Di bawah pamerentahannja Lie Sie l.in, Tiongkok poenja daerah ada besar sekali, jalah dari Laoetan Koening sampe ka Aral Meer dan dari Siberiesampe ka Malaka. Makmoernja Tiongkok cli itoe koetika tersiar sampe ka Europa dari Keizer Theodosius dari Griekenland kirim satoe oetoesan ka Tiongkok dalem tahon 640. Yzdegard, radja pengabisan dari ahala Sassan di Perzie jang dioeber-oeber oleh orang Islam lari ka Tiongkok boeat minta Lie Sie Bin poenja perlindoengan. Khali f Omar dan khalif Othman jang hendak taloekin doenia atas namanja Allah dan Nabi indaken Tiongkok dankirim oetoesan-oetoesan dengen banjak barang permata dan koeda-koeda dari Medina ka Tiang An.

Japan di itoe koetika tida lebih dari satoe moerid dari Tiongkck; ratoesan orang-orang Japan menjebrang laoetan boeat koendjoengin Tiongkok dengen maksoed boeat berladjar. Antara itoe orang-orang Japan, Kobo Daishi ada sala satoe jang paling terkenal. Kobo IJaislii berladjar doea?poeloe tahon lamanja di Tiongkok dan ia ada itoe orang jang adaken hoeroef „Kana" di Japan dengen ambil hoeroef-hoeroef Tionghoa sebagi tjonto. Djoega dari Lamyang (antara laenlaen dari Java dan Sumatra) di itoe masa dateng oetoesan-oetoesan jang bawa oepeti ka Tiang An. Tapi boekan sadja dalem oeroesan politiek Tiongkok oemoemnja moedjoer? djoega perdagangan rame sekali, cli itoe waktoe. Praoe-praoe cljong Tionghoa pergi dateng ka Teloek Perzie dan sebaliknja banjak orang asing berniaga dengen Tiongkok, I)i Canton dan Hanchow banjak tinggal soedagar-soedagar Arab jang bawa ka negri Baiat penclapetan-pen- dapetan jang penting dari bangsa Tionghoa sebagi kompas (padoman), kertas, enz. Djoega orang-orang Jahoedi soeda terkenal di Tiongkok cli itoe masa.

Tapi teroetama literatuur dari djeman Tang ada gilang-goemilang, tapi penjair- penjair jang termashoer sebagi Lie TaPek (Li Tai Po) dan Ong Oei (Wang Wee) hidoep sasoedanja baginda Lie Sie Bin meninggal. laorang poenja sairan-sairan dikagoemken sampe di ini djeman, boekan sadja oleh bangsa Tionghoa, tetapi poen oleh banjak orang-orang asing sebagi Giles, l'letcher, Hans lletghc, jang tjoba salin sairan Tionghoa dalem iaorang poenja masing-masing bahasa. Pembatja Tionghoa tentoe sadja kenal boekoe tjerita „Sie I)jin Koein jalah satoe tjerita dari djemannja keizer Lie Sie Bin. Dalem itoe boekoe banjak sekali jang ditambaken dan dilebihlebihkcn seperti biasanja dalem boekoe tjerita demikian, tetapi Lie Sie Binbetoel-betoel perna hidoep sebagi keizer di Tiongkok. Malahan ia ada sala satoe keizer jang paling bidjaksana dalem hikajatnja kita poenja negri.