TENG TJONG KONG DAN KIONG SIOK TAN

SinPo.id - Teng Boe Kong poenja hoedjin ada tjoehoh dari Sin poenja anak prampoean, Kiang Si. Kiang Si melahirken doewa poetra; jang soeloeng dinamaken Goh Seng, jang kadoewa Tan. Goh Seng dilahirken salagi Kiang Si ada dalem tidoer. Tatkalah mendoesin baroe ia taoe jang ia telah bersalin. Lantaran ini ia djadi bentji pada ia poenja poetra jang soeloeng. Tan poenja dandanan tjakap, pandeimemana dan bersilat. Maka Kiang S' djadi sajang pada ia poenja poetra jang kadoewa. Dalem hati ia pikir: „KaloeTan jang djadi radja, boleh ditentoeken ia aken menangken Goh Seng sapoeloe kali lipet.’?Laloe ia sering-sering masoekin bitjara pada Boè Kong, poedjiken ’l’an poenja kapandeian, boeat ini poetra jang kadoewa diangkat djadi sitjoe.

”Toewa dan moeda masing-masing ada poenja bagian sendiri," Jcata Boe Kong, tida boleh perkara ini difcoslakbalik. Apa poelab. Goh Seng tida ada poenja kasalahan. Masa ada atoeran jang toewa dipetjat boeat diangkat jang moeda?’’ I.aloe ia tetepken Goh Seng djadi sitjoe. Tan tjoema dikasi Kiongsia boeat djadi penghidoepannja. Lantaran ini Tan djadi diseboet Kiong Siok Tan. Kiang Si poenja hati tida senang. Koetika boe Kong menoetoep mata Goh Seng gantiken djadi tjoehoh dan pake nama Tjong Kong. Laen dari ini kabesaran, ia djadi djoega mantri dalem singgasana Tjioe. Meliat Kiong Siok Tan tida ada poenja kakwasahan, Kiang Si poenja hati djadi mengoerak, dan laloe berkata pada Tjong Kong:”Kaoe soeda broentoeng bisa gantitiken papa poenja pangkat dan trima warisan satoe negri jang besarnja bebrapa ratoes U. Tapi Tan, maski djadi kaoe poenja soedara poetoesan peroet, kaadahannja malaenken bisa menoempang pada kaoe. 15agimanatah kaoe poenja liati bisa begitoe tegah?” „Anak menoeroet sadja iboe poenja maoe.” „Kaloe begitoe kenapa kaoe tidaangkat ia di Tji-ip?” ”Tji-ip ada pengasinja keizer doeloe,n djawab Tjong Kong, „maka tida boleh dipisah dari negri Teng. Iboe seboet sadja jang laen.”

”Djika Tji-ip tida bisa, Kengsia djoega boleh.” Tjong Kong tida menjaoet. Meliat ini Kiang Si lantas djadi mara dan kata : „Kaloe kaoe merasa, berat boeat bri satoe ka-angkatan pada Tan, tida sama kaoe oesir sadja ia ka laen negri, soepaja ia bisa djabat pangkat di sana goena djadi penghidoepannja." „Masa anak brani berlakoe begini; iboe poenja maoe tentoe nanti ditoeroet.” Habis berkata, Tjong Kong oendoerkendiri. Pada hari esoknja ia kas  taoe pada ia poenja mantri-mantri, jang ia maoe angkat Kiong Siok Tan boeat djadi kapala di Kengsia. Taihoe Tjai Tjiok madjoe menjegal)? katanja : ?,Tida boleh. Langit tida boleh ada poenja doewa matahari, rahajat tida boleh ada poenja doewa radja. Ken g Seng poenja boemi lebar, rahajat banjak, sama Engyang tida ada bedahnja. Apa poelah Kiong Siok Tan ada hoedjin poenja anak jang disajang. Kaloe ia dapet kaangkatan di satoe tempat jang besar, ini artinja Teng ada poenja doewa radja. Bisa dikwatirin di blakang hari aken ada satoe kakoesoetan jang tida terdoegah.” ” Kami poenja iboe poen j i prenta?” kata Tjong kong, „bagimana kami brani tida menoeroet ?’’Sigra ia tetapken kaangkatannja Kiong Siok Tan di Keng Seng.

Kiong Siok Tan djalanken adat-istiadat membilang trima kasi, kamoedian laloe masoek katemoein Kiang Si boeat berpamitan. Koetika itoe Kiang Si lantas soeroe moendoer samoea orang jang ada berdampingan dan berkata pada Kiong Siok Tan : „Kaoe poenja enko tida inget kasangkoetnja boecli pada soedara dari poetoesan peroet dan perlakoeken kaoe ida sabagimana mistinja. Kaloe boekan akoe sampe tiga kali mendesek, tentoe djoega kaoe tida dapet kaangkatan seperti di ini hari. Dan sekarang maski ia briken kaangkatan pada kaoe, hatinja tentoe tida senang. Kaoe djikasoeda sampe di Kengsia, biarlah lekas bikin persiapan boeat menoenggoeken datengnja koetika jang baek. Begitoe ada djalan, kaoe misti lantas barengin- Akoe nanti membantoe dari dalem- Tjara begini negri nanti djato dalem kaoe poenja tangan. Kaloe kaoe soeda bisa gantiken Goh Seng, akoe mati poen tida penasaran.”Kiong Siok Tan trima ini prenta, lantas brangkat ka Kengsia. la sigra koempoelken balatentara dan saban hari adjar itoe dengen giat, seraja saban- saban pake pelabi jang ia maoe pergi memboeroe.