S A K A L I S A D J A

SinPo.id - Menjesel ? Neen, nonsens! Boeat ilangken itoe kasoesahan hati, ia nanti hendak mengakoe perboeatan jang sanget tiada adil. Boekannja menjesel Kendati tiada satoe manoesia nanti hargaken itoe perboeatan melaenken Allah brangkali — toch ia merasa bangga. Siapa taoe Sie Liauw nanti bri maaf pada ia ? Neef Si Liauw jang namanja soeda dibikin tertjemar oleh ia, sekarang sebagi peringetan ia hendak perbaiken lagi itoe kadosaan. Kenapa ia mengakoe ? Satoe pengrasahan jang terbit dari hati pri kamanoesiaan paksa padanja. Sembari pikirin ini fatsal Hok Kie samperin roemanja Souw 'Oe Loey ia poenja oom jang hartawan. „Kenapa baba Hok Kie dating "begitoe laat ? menanja satoe djongos jang djaga pintoe, ”tauwke ada di kamar paviljoen. Mari saja anter, sekalian pasang lampoe.”

—„Djangan, djongos, djika perloe nanti akoe pasang sendiri.’’ —„Tapi kaliwat gelap bah.” —”Kaga apa, akoe ada oeroesan perloe jang aken dibitjaraken pada kaoe poenja madjikan, satoe perkara jang.....penting, dan baekan kita lakoeken  pembitjarahan di tempat gelap. Apa nona Song Nio soeda kombali dart Padang?” —”Soeda bah, baroesan tadi tengah-hari.

Sampe depan pintoe kamar paviljoen Hok Kie poenja pikiran mendjadi bimbang. Tapi dengen hati tetep, dan rapetin ia poenja gigi Hok Kie boeka pintoe dan masoek ka dalem. Remeng-Remeng di samping djendela kaliatan oe Loey sedeng doedoek di korsi koe- Ht. Koetika Hok Kie berada di mana itoe tempat, toeboenja merasa lebih sakit dari pada diseksa. Tapi apa boleh boeat, ia koempoelken kabraniannja dan dengen soeara terharoe, di itoe kamar jang sepi kadengeran: „Oom,... owe Hok Kie. Ada satoe fatsal jang berht bagi owe boeat ditjeritaken, dari itoe maka owe soeda perloeken dating ’kamari boeat boeka ini resia. Di harep Soepaja ini pembitjarahan djangan sampe diboeat keder.” Sembari memandang Oe Loey jang dari tadi tiada kaliatan bergerak, jang Moekanja selaloe menoedjoe ka kebonan, Hok Kie samboeng perkataannja:

„Sendiri tiada mengarti, kenapa owe sekarang dateng mengakoe, jang dari ketjil owe soeda taro dendem hati kabentjian pada Sie Liauw. Meliat keadaan owe, dan dibandingken sama ia sebagi oom poenja aehliwaris, blakangan iri hati owe mendjadi begitoe heibat. Sie Liauw tiada begitoe tjerdik, dan dengen gampang owe soeda goenaken itoe perboeatan jang terkoetoek....’ Oe Loey kadengeran tarik napas, hingga Hok Kie goemeter.

„Diam oom, dengerlah terlebih doeloe sampe abis. Papreksaiin boekoe toko taon jang soeda ternjata tida beres. Sie Liauw sebagi boekhouder tiada bisa kasi katerangan. Tida heran,— owe robahken angka-angkanja. Pada satoe hari oom taro kapertjajaan padanja boeat stort oewang pada Escompto di Cheribon. Ini perkara owe dapet denger dari ia poenja moeloet sendiri, djoega tentang ia poenja kadoekahan jang oom blakangan kasi ia dampratan jang pedes. Itoe tempo jang baek owe soeda goenaken boeat bri ia advies jang telah kadjadian poela. Oewang brikoet soeratboeat oom, ia paserahken pada owe. I)an dengen kapal Tjikembangitoe hari ia teroes brangkat ka Tiongkok boeat tjari  penghidoepan sen'diri. Soerat djadi oempan api dan oewangnja owe masoeken Handelsbank atas nama prive. Sampe di ini saat oom singka ia ada satoe penipoe dan pentjoerilantaran owe selaloe simpen resia- Kamaoean soeda kasampean, apa jang nanti kadjadian atas Sie Liauw ampoenjadiri owe tida ambil perdoeli. Brapa girangnja, tempo oewe denger ia soeda meninggal doenia di Peking. Kerdjaan toko owe lakoeken dengen radjin. Hak poesaka oom tjaboet dan pindaken itoe atas nama owe dan Song Nio. Owe tiada sekali-kali kira jang ini pembitjaraiin bisa ditjeritaken dengen beres. Sasoedanja oom mendapet taoe ini semoea owe tida nanti heran, djika oom tida soedi liat owe poenja moeka lagi di ini tempat. Boeat pengabisan owe harep oom tjeritaken djoega ini resia pada Song Nio. Sabetoelnja owe lebih baek mati, sebab owe sanget tjinta padanja ..... djika ia denger jang .... Ach........... ” Soeara orang kadengeran dan tiada lama lagi pintoe kamar telah diboeka oleh satoe gadis berpakean kimono, dengen meiliegahg iiiin jang rrienjala. Kaget dari lantaran silo, Hok Kie toetoepin mata dengen tangannja.

„Apatah perloenja engko poenja kadatengan ? Kenapa lampoe tida dipasang.” „Sekarang soeda laat, Song Nio, tanja sadja pada oom”. Song Nio samperin papanja. Dengen senjoeman jang manis ia berkata: „Papa tidoer, kenapa tida dibangoenin ? Bangoenlah pa !’’ Dengen lesoe Oe Loey boeka matanjadan makiïn djongos jang tida menoeroet ia poenja prentah boeat pasang lampoe pada djam anem. „Oom djadi tidoer dari tadi ?” menanja Hok Kie. „Boleh djadi, tapi kapan kaoe dating kamarie Hok Kie, akoe tida dapet taoe lagi. Makanan soeda sedia, Song Nio?” „Soeda dari tadi pa, saja toenggoein lama sekali.” „Ajo, Hok Kie doedoek makan sekalian. Kenapa kaoe poenja moeka poetjet ?n „Demem brangkali oom!” Melaenken Allah jang saksiken inipengakoean. Doea boelan telah laloe dan Hok Kie soeda broentoeng mendjadi Song Nio poenja soeami.