Taylor systeem

SinPo.id - Pembatja tentoe sering denger itoe oetjapan „Taylor-systeem”?zonder taoe benar apa sabenarnja jang dimaksoedken. Taylor-systeem ada atoeran kerdja dalem fabriek-fabriek dan sebaginja menoeroet Taylor poenja tjara atoer pekerdjahan. b'. W. Taylor ada berkerdja pada Bethlehem Steel Company dan dalem ini kongsilah Taylor bermoela djalanken ia poenja atoeran baroe dengen hasil jang mengagoemken. Antara laen-laen Taylor telah terbitken boekoe „The Principle of Scientific Management”?boekoe mana telah disalin dalem bahasa Tionghoa oleh H. Y. Moh (itoe industrieel bangsa Tionghoa jang terkenal) dalem tahon 1915. Dalem kongsi dimana Taylor berkeidja banjak sekali koeli-koeli jang moesti angkoet areng besi dan sebaginja dengen goenaken roepa-roepa skoop (schop). Taylor tjari taoe dengen tida sajang ongkos, skoop model apa ada jang paling baek dan sasoedanja bikin pamereksahan teliti ia dapet kenjatahan, skoop jang saban-saban bisa moeat 9 J/2 kilo dari barang jang diangkoët ada jang paling baek.

Taylor lantes toekar semoea skoopskoop dan tjoema idzinken pake iapoenja skoop model baroe. Dan apa hasilnja ini perobahan ketjil ? 140 koeli sekarang bisa kerdjaken apa jang doeloe moesti di lakoeken oleh 500 koeli. Goenanja pekakas jang baek ternjata dengen tegas sekali. Tentoe sadja Taylor bikin lagi laenlaen pamereksahan boeat tjari pekakaspekakas jang paling baek boeat laenlaen perkerdjahan djoega. Taylor tiada sajang oewang dan tempo boeat bikin ini penjelidikan tapi ia poenja tjape selaloe kaliatan diganti oleh kaoentoengan jang lebih besar, lantaran troesa goenaken koeli-koeli begitoe banjak seperti doeloe-doeloe. Selaennja pili pekakas jang paling baek dengen teliti, Taylor poen pili orang jang paling koeat dan paling soeroep pegang sala satoe perkerdjahan. Sebagi orang taoe, orang poenja kapandean atawa kebiasahan tida sama; orang jang pande mendjadi kassier, tida tentoe bisa pegang djabatan goeroe dengen tjakep dan sebaliknja.

Selaennja pili pekakas dan pili orang, poen tjara berkerdja (seperti atoer djam mengaso dan sebaginja) ada satoe hal jang moesti diperhatiken. Begitoepoen orang jang pande dalem ilmoe itoeng, tida tentoe pande djoega dalem ilmoe pisa dan sebaginja. Orang-orang jang liat Taylor poenja hasil jang mengagoemken, tentoe sadja toeroet ia poenja toeladan dan djalanken Taylor poenja systeem dalem iaorang poenja fabriek-fabriek sendiri. Sasoedanja digoenaken Taylor system dalem berbagi-bagi tj abang perkerdjahan, ternjata hasilnja ada sampe bagoes dan menjenangken. Begitoelah sabelonnja orang goenaken Taylor systeem boeat satoe perkerdjahan bikin tembok orang perloe goenaken 100 koeli, tetapi sasoedanja orang pake Taylor systeem 30 koeli bisa kerdjaken, apa jang doeloe moesti dikerdjaken oleh 100 koeli. Dalem perkerdjahan pili mimis (sorteering van staalkogels) 25 orang bisa kerdjaken (dengen Taylor systeem) apa jang sabelonnja itoe moesti dikerdjaken oleh 120 orang.

Frank dan Lillian Gilberth dapet n jatahan kaloe tjara berkerdja diatoe dengen lebih baek, zonder tamba orang orang bisa berkerdja tiga kali lebih banjak dari biasa! Taylor systeem djadinja dengen ring kes ada: I. Pili orang; II. Pili Pekakas, dan III. Pili tjara berkerdja jang paling baek dan soeroep. Sasoedanja dapet toeladan dari tay lor, banjak orang laen adaken roepa me pa pamereksahan jang loewasbocatp pili orang-orang, pili pekakas-pekakas, dan tjari tjara berkerdja jang paling baek Parson, Munsterberg, Ptorkowsky dan Lipmann — antara laen-laen — berkedja dengen giat dalem ini oeroesan. Jang sasoeatoe taokeh haroes pili orang dan sebaginja memang boekin ada pendapetan baroe, tapi Taylor ada jang pertama oendjoek dengen njata begirnana dengen perhatiken betoeloe roesan pili pekakas, pili orang dan se bagi nja bisa kasi hasil jang sampe beberapa kali lipet dengen ongkos Jang lebih ringan!